ខេត្តពោធិសាត់៖ សេចក្ដីរាយការណ៍ពីសមត្ថកិច្ចពាក់ព័ន្ធក្នុងខេត្តពោធិ៍សាត់ ក៏បានឲ្យដឹងថា លោក ជាប សៅ បានចាត់តាំងមន្ត្រីគយក្រោមការគ្រប់គ្រងរបស់ខ្លួនឲ្យឈរជើងតាមប៉ុស្ដិ៍លើផ្លូវជាតិលេខ៥ និងចល័តចាំប្រដេញចាប់រថយន្តដឹកទំនិញគ្រប់ប្រភេទដើម្បីត្រួតពិនិត្យនិងតម្រូវឲ្យបង់លុយ បើទោះបីឈ្មួញខ្លះដឹកទំនិញស្របច្បាប់ក៏ដោយ។ កាលពីថ្ងៃទី២៩ ខែកក្កដា កន្លងទៅថ្មីៗនេះលោក ជាប សៅ បានបញ្ជាឲ្យកូនចៅតាមប្រដេញចាប់រថយន្តដឹកទំនិញ១គ្រឿងដែលគេសង្ស័យថា ជាទំនិញគេចពន្ធដែលនាំចូលពីប្រទេសយួន។ រថយន្តនោះម៉ាកនីសាន់ចំណុះ៥តោន ពាក់ស្លាកលេខតាកែវ3A-1886 ដែលគេសង្ស័យថាដឹកទំនិញខូចគុណភាពនិងទំនិញគេចពន្ធពីប្រទេសយួនទៅចែកចាយតាមបណ្ដាខេត្តជាប់ព្រំដែនសៀម។ ការប្រដេញចាប់រថយន្តនោះបានធ្វើឲ្យកើតមានគ្រោះថ្នាក់ចរាចរណ៍នៅភូមិត្រពាំងជង ឃុំត្រពាំងជង ស្រុកបាកាន ខេត្តពោធិ៍សាត់។
