Kindle Fire Coupon Kindle Fire Coupon 2012 Kindle DX Coupon 2012 Kindle Fire 2 Coupon Amazon Coupon Codes 2012 Kindle DX Coupon PlayStation Vita Coupon kindle touch coupon amazon coupon code kindle dx coupon kindle touch discount coupon kindle touch coupon 2012 logitech g27 coupon 2012 amazon discount codes
0

លោក ខូង ទីន ប្រធានច្រកទ្វានគរបាលអន្តោប្រវេសន៏អូរស្មាច់ កំពុងតែប្រព្រឹត្តអំពើពុករលួយយ៉ាងពេញបន្ទុក

ឧត្តរមានជ័យៈ មេនគរបាលអន្តោប្រវេសន៍ប្រចាំច្រកទ្វារអន្តរជាតិអូរស្មាច់ ខេត្តឧត្តរមានជ័យ គឺលោក ខូង ទីន ល្បីល្បាញខាងប្រមូលលុយតាមរបៀបពុករលួយអស់រយៈពេលច្រើនឆ្នាំមកហើយ ក៏ប៉ុន្តែរហូតមកដល់ពេលនេះមិនទាន់ឃើញថ្នាក់ដឹកនាំក្រសួងមហាផ្ទៃ និងថ្នាក់ដឹកនាំអគ្គនាយកដ្ឋាននគរបាលអន្តោប្រវេសន៍ក្រសួងមហាផ្ទៃ ចាត់វិធានការទៅលើមន្ត្រីពុករលួយរូបនេះនៅឡើយទេ។ ប្រភពខ្លះបានឲ្យដឹងថាលោក ឃូង ទីន មានខ្នងបង្អែកយ៉ាងរឹងមាំនៅក្នុងអគ្គនាយកដ្ឋាននគរបាលអន្តោប្រវេសន៍ក្រសួងមហាផ្ទៃ ទើបហ៊ានប្រើអំណាចប្រមូលលុយតាមរបៀបពុករលួយយ៉ាងគឃ្លើនដោយគ្មានញញើតអ្វីទាំងអស់។ មកដល់ពេលនេះប្រជាពលរដ្ឋដែលឆ្លងដែនចូលទឹកដីសៀមតាមច្រកទ្វារអន្តរជាតិអូរស្មាច់ បានរិះគន់ចំៗថាលោក ខូង ទីន និងបក្ខពួកបានកំណត់លើតម្លៃធ្វើប័ណ្ណឆ្លងដែន តាមបបូរមាត់របស់ខ្លួនហើយមិនខ្វល់ពីការរិះគន់នោះទេ។

តាមសេចក្តីរាយគារណ៍ពីប្រជាពលរដ្ឋមកពីបណ្តាខេត្តនានាដែលធ្វើប័ណ្ណឆ្លងដែននៅច្រកទ្វារអន្តរជាតិអូរស្មាច់ ដើម្បីចូលទៅពិនិត្យជំងឺនៅមន្ទីរពេទ្យក្នុងខេត្តសុរិន្ទ ប្រទេសសៀមបានលើកឡើងដូចៗគ្នាថា នគរបាលអន្តប្រវេសន៍ក្រោមការគ្រប់គ្រងរបស់លោក ខូង ទីន បានតម្រូវឲ្យពួកគាត់បង់លុយក្នុងម្នាក់ៗ៨០០០០រៀល សម្រាប់ធ្វើប័ណ្ណឆ្លងដែនមួយក្បាលនិងត្រូវបង់លុយថ្លៃវាយត្រា៥០០០រៀលថែមទៀតសរុប៨៥០០០រៀល។ ការតម្រូវឲ្យបង់លុយពីសំណាក់មន្ត្រីនគរបាលអន្តោប្រវេសន៍ប្រចាំច្រកអូរស្មាច់គឺលើសពីអ្វីដែលក្រសួងពាក់ព័ន្ធបានកំណត់ ហើយជាអំពើពុករលួយយ៉ាងច្បាស់ក្រឡែតតែម្តង។ ជាងនេះទៅទៀត ក៏មានការរិះគន់ដែរថា លោក ខូង ទីន ជាអ្នកឃុបឃិតឲ្យឈ្មួញនាំចូលទំនិញគេចពន្ធនិងទំនិញបង់ពន្ធមិនគ្រប់ តាមច្រកអូរស្មាច់យ៉ាងពេញបន្ទុកផងដែរដើម្បីជាថ្នូរនឹងផលប្រយោជន៍ផ្ទាល់ខ្លួន។

តាមការបង្ហើបពីមន្ត្រីតូចតាចប្រចាំច្រកអូរស្មាច់ក៏បានបញ្ជាក់ដែរថា អំពើពុករលួយរបស់លោក ខូង ទីន មេនគរបាលអន្តោប្រវេសន៍ច្រកអូរស្មាច់និងបក្ខពួកគឺជារឿងដែលកើតឡើងច្រើនឆ្នាំមកហើយ ជាពិសេសការគាបយកលុយពីពលរដ្ឋនៅពេលធ្វើប័ណ្ណឆ្លងដែន លើសពីសៀវភៅបន្ទុក គឺជារឿងដដែលៗពុំមានការកែទម្រង់អ្វីទាំងអស់។ បញ្ហានេះ អគ្គស្នង ការនគរបាលជាតិ និងថ្នាក់ដឹកនាំអគ្គនាយកដ្ឋាននគរបាលអន្តោប្រវេសន៍នៃក្រសួងមហាផ្ទៃ មិនគួរបណ្តែតបណ្តោយតទៅទៀតទេ ព្រោះអំពើពុករលួយរបស់លោក ខូង ទីន និងបក្ខពួកកំពុងធ្វើឲ្យប៉ះពាល់កេរ្តិ៍ឈ្មោះស្ថាប័ននគរបាលជាតិទាំងមូល ក្នុងខណៈប្រជាពលរដ្ឋរិះគន់កាន់តែខ្លាំងឡើងៗផងដែរ។ ជាងនេះទៅទៀតនាយឧត្តមសេនីយ៍ នេត សាវឿន អគ្គស្នងការនគរបាលជាតិ និងថ្នាក់ដឹកនាំក្រសួងមហាផ្ទៃ គួរចាត់វិធានការទប់ស្កាត់អំពើពុករលួយរបស់លោក ខូង ទីន មេនគរបាលអន្តោប្រវេសន៍ច្រកអូរស្មាច់និងបក្ខពួកជាបន្ទាន់ព្រោះពួកគេកំពុងឃុបឃិតគ្នាប្រព្រឹត្តអំពើពុករលួយរាលដាល គ្មានខ្លាចក្រែងអ្វីឡើយ៕

Filed in: ព័ត៌មានខ្សឹបឲ្យដឹង, ព័ត៌មានជាតិ, ព័ត៌មានថ្មី, ព័ត៌មានសំខាន់

Recent Posts

Bookmark and Promote!

© 2019 សង្គ្រោះរាស្ត្រ. All rights reserved. XHTML / CSS Valid.