នាយកអង្គការ «ផ្ទះយើង» ជាប់ពាក់ព័ន្ធនឹងករណីបៀតបៀនផ្លូវភេទកុមារជាច្រើននាក់ នៅក្នុងមណ្ឌលកុមារកំព្រារបស់គាត់ តុលាការសម្រេចបញ្ជូនខ្លួនទៅគុកព្រៃស

(ភ្នំពេញ)៖ សាលាដំបូងរាជធានីភ្នំពេញ បានសម្រេសឃុំខ្លួនបុរសជាប់ចោទម្នាក់  ដែលត្រូវជានាយកអង្គការកុមារកំព្រា និង បានបញ្ជូនរូបគាត់ទៅឃុំខ្លួន ជាបណ្តោះអាសន្ន នៅពន្ធនាគារព្រៃស កាលពីថ្ងៃសុក្រ ទី ៦ ខែ មីនា ២០១៥នេះ ។

មន្ត្រីតុលាការបានឲ្យដឹងថា៖ ជនជាប់ចោទរូបនេះ មានឈ្មោះ ហង្ស វិបុល ភេទប្រុស អាយុ ៤៦ ឆ្នាំ មានតួនាទីជា៖ នាយកអង្គការផ្ទះយើង ឬ Our Home   ដែលមានទីស្នាក់នៅក្នុងសង្កាត់បឹងទំពុន ខណ្ឌចំការមន។

សូមជំរាបថា កាលពីថ្ងៃទី២ ខែមីនា ឆ្នាំ២០១៥ ឈ្មោះ ហង្ស វិបុល ត្រូវបានចាប់ខ្លួន ដោយនគរបាលនាយកដ្នានប្រឆាំងការជួញដូរមនុស្សនិង គាំពារអនីតិជន នៃក្រសួងមហាផ្ទៃ តាមបណ្តឹងរបស់កុមាររងគ្រោះ ជាប់ពាក់ព័ន្ធនឹងករណីបៀតបៀនផ្លូវភេទ លើកុមាររងគ្រោះជាច្រើននាក់ រស់នៅ និងស្នាក់នៅក្នុងមណ្ឌល​ អង្គការរបស់គាត់ តាមរយៈហៅកុមារារងគ្រោះទាំងនោះ ចូលក្នុងបន្ទប់របស់គាត់ ឲ្យពួកគេចាប់លេង​ប្រដាប់ភេទ របស់កុមាររងគ្រោះ រហូតដល់សម្រេចចេញទឹកកាម ហើយបន្ទាប់មក គាត់ក៏បានចាប់ស្ទាប លេងប្រដាប់ភេទរបស់កុមាររងគ្រោះនោះវិញផងដែរ៕